11.01.2024 Барлық жаңалықтар

Energо University (Ғұмарбек Дәукеев атындағы Алматы энергетика және байланыс университеті) 2023 жылы UI GreenMetric университеттерінің тұрақты даму мақсаттарына қол жеткізуге бағытталған ғаламшар университеттерін анықтайтын әлемдік рейтингіне қатысты.

UI GreenMetric World University Rankings халықаралық рейтингтік агенттігінің нәтижелеріне сәйкес, біздің университет әлемнің 1183 жоғары оқу орнының ішінен 468-орынға ие болды. Рейтингке қатысқан 18 қазақстандық жоғары оқу орындарының ішінде Energo University 4 орынға ие болды.

- Жоғары оқу орынның орнықты даму мақсаттарына бейілділігін бағалау кезінде сарапшылар кампустың жаңғыртылатын энергия көздерін пайдалануы, су ресурстарын үнемдеу, жасыл желектердің болуы және қалдықтармен жұмыс істеудің экологиялық бағдарламасы, орнықты даму саласындағы белсенді білім беру және зерттеу қызметі сияқты параметрлерді ескерген, - деп атап өтті Energo University-дің Жарияланым қызметі бөлімінің жетекші маманы Динара Шуебаева. – 2024 жылы біздің жоо осы рейтингке қатысуды жалғастыруды және өз көрсеткіштерін жақсартуды жоспарлап отыр.

Анықтама:

Индонезия университеті (UI) 2010 жылы университеттердің дүниежүзілік рейтингіне бастамашылық етті, ол кейіннен UI GreenMetric (UI GreenMetric World University Rankings) университеттерінің дүниежүзілік рейтингі ретінде белгілі болды. Рейтингтің мақсаты-кампустардың тұрақтылығын (экологиялылықты) сақтау бойынша күш-жігердің сандық бағасы.

Рейтингке қатысу жоғары оқу орындарына көптеген артықшылықтарға ие болуға мүмкіндік береді, бұл: интернационалдандыру және тану, тұрақтылық, әлеуметтік өзгерістер мен іс-әрекеттер мәселелерінде хабардарлықты арттыру, сондай-ақ серіктестік желілерді құру.