26.01.2024 Барлық жаңалықтар

Фуад Гаджиев, біздің елімізде ғана емес, одан тыс жерлерде де танымал оқытушы, Қазақстанның IT-мамандарын тәрбиелеуге елеулі үлес қосқан профессор, IT- -бағытында оқитын Energo University-дің (Алматы энергетика және байланыс университеті) бірінші курс студенттерімен кездесті.

Фуад бей студенттермен «Айтишникке университет қажет пе?», «Университеттің миссиясы қандай?», «Білім бақытты етеді ме?» және т.с.с. философиялық мәселелерді талқылаған болатын.  Лектор өз бетінше мамандықты таңдағаны туралы оқиғамен бөлісті. Фуад Гаджиев кез келген IT-маманының өміріндегі математиканың рөлі туралы айтты, сонымен қатар қоғам игілігі үшін энергетика, ғарыш, байланыс және IT-технологиялар салаларында ғылыми зерттеулер жүргізу арқылы құндылықтарды беру және зияткерлік әлеуетті дамыту үшін орнықты білім беру ортасын қамтамасыз етуге бағытталған Energo University-дің жаңартылған миссиясын студенттерге таныстырды.

 «Ақпараттық жүйелер», «Бағдарламалық инженерия», «Есептеу техникасы және бағдарламалық қамтамасыз ету» және Computer science («Информатика») бағыттары бойынша білім алатын бірінші курс студенттері өздері үшін бір қарағанда айқын емес, бірақ университетте оқудың өте маңызды артықшылықтарын анықтай алды. Сапалы білім алудан бөлек - бұл нетворкинг дағдылары, оқу қабілеті, алынған ақпаратты бағалауға сыни көзқараспен қарау және қабылданған шешімдер үшін жауапкершілікті сезіну.

Фуад Гаджиев бүгінде IT-технологиялардың өндіріс, медицина немесе қаржылық бағыт, күш құрылымдары немесе мемлекеттік қызмет болсын, адам қызметінің кез келген саласына енгенін атап өтті. Бұл айтишниктерге жұмысқа тұру және өз қабілеттерін жүзеге асыру үшін өте үлкен мүмкіндіктерді береді.   

Кездесуді қорыта келе, Фуад Гаджиев Energo University студенттеріне оның ағылшын тіліндегі математика бойынша дәрістерін тыңдауға қосылу мүмкіндігін еске салды. Өйткені, математика, өздеріңіз білетіндей, барлық инженерлік ғылымдардың негізі болып табылады.